پرائمری اسکالرشپ امتحان (چوتھی جماعت) اور اعلیٰ پرائمری اسکالرشپ امتحان (ساتویں جماعت) سال 2026 کے لیے اسکول رجسٹریشن اور طلبہ کے درخواست فارم بھرنے کے سلسلے میں مہاراشٹر اسٹیٹ ایگزامینیشن کونسل کے صدر نے درج ذیل سرکلر جاری کیا ہے۔
مندرجہ بالا موضوع کے مطابق ریاست کے ذہین اور باصلاحیت طلبہ کی تلاش کرکے انہیں حوصلہ افزائی کی اسکالرشپ فراہم کرنے کی اسکیم حکومت مہاراشٹر نے تعلیمی سال 1954-55 سے شروع کی ہے۔ یہ امتحان طلبہ میں مسابقتی امتحانات کی بنیاد مضبوط کرتا ہے اور ان میں اعتماد پیدا کرتا ہے، اسی وجہ سے اسکولی سطح پر اس امتحان کو غیر معمولی اہمیت حاصل ہے۔
مالی حالات کی وجہ سے طلبہ مقامی خود اختیاری اداروں کے اسکولوں میں داخلہ لیتے ہیں۔ اگر وہ اسکالرشپ امتحان میں کامیاب ہوتے ہیں تو مہاراشٹر ریاست کے غریب، محنتی، ذہین اور باصلاحیت طلبہ کو حوصلہ افزائی اور مزید تعلیم کے لیے مالی امداد فراہم کی جاتی ہے۔ اس کے نتیجے میں دیگر طلبہ کو بھی تعلیم کی طرف رغبت پیدا ہوتی ہے۔ اسی بنیادی مقصد کے تحت یہ امتحان منعقد کیا جاتا ہے۔
مقامی خود اختیاری اداروں کے اسکولوں میں ابتدائی جماعتوں سے ہی طلبہ کی تعلیمی معیار میں اضافہ کے لیے کوششیں کی جاتی ہیں، جس کی بدولت طلبہ زبان اور ریاضی جیسے مشکل سمجھے جانے والے مضامین میں مہارت حاصل کرتے ہیں اور مسابقتی امتحانات کے لیے مضبوط بنیاد تیار ہوتی ہے۔ اس کے ساتھ ساتھ زیادہ سے زیادہ طلبہ کو امتحان میں شرکت کا موقع ملتا ہے تاکہ وہ اپنی صلاحیت ثابت کر سکیں۔
مندرجہ بالا تمام نکات کو مدنظر رکھتے ہوئے تعلیمی سال 2025-26 سے منعقد ہونے والے پرائمری اسکالرشپ امتحان (چوتھی جماعت) اور اعلیٰ پرائمری اسکالرشپ امتحان (ساتویں جماعت) سال 2026 کے لیے زیادہ سے زیادہ طلبہ کی شرکت یقینی بنانے کے لیے ضلعی سطح پر خصوصی کوششیں کرنا نہایت ضروری ہے۔
حکومتی فیصلہ حوالہ نمبر 1 کے مطابق اور حوالہ نمبر 2 کی روشنی میں امتحان کا شیڈول مورخہ 30/12/2025 کو جاری کیا گیا ہے۔ اسکول رجسٹریشن اور طلبہ کے درخواست فارم بھرنے کے لیے ویب سائٹ پر سہولت فراہم کی گئی ہے۔ باقاعدہ فیس کے ساتھ درخواست فارم جمع کرنے کی آخری تاریخ 28/02/2026 مقرر کی گئی ہے۔
تاہم امتحانی کونسل کی سطح پر طلبہ کی رجسٹریشن کا جائزہ لینے پر یہ بات سامنے آئی ہے کہ کئی اضلاع میں صورتحال تسلی بخش نہیں ہے۔ کئی اسکولوں نے ابھی تک امتحان کے لیے رجسٹریشن نہیں کی ہے یا طلبہ کے فارم جمع نہیں کروائے ہیں۔ لہٰذا مورخہ 17/10/2025 کے حکومتی فیصلے کے مطابق اسکول رجسٹریشن اور طلبہ کے فارم بھرنے کے حوالے سے اسکولوں کو بیدار اور متحرک کرنا ضروری ہے۔ حوالہ نمبر 5 کے مطابق جائزہ میٹنگ میں چوتھی اور ساتویں جماعت کے امتحان 2026 میں کم طلبہ کی شرکت پر معزز وزیر برائے اسکولی تعلیم اور معزز کمشنر (تعلیم) نے ناراضگی ظاہر کی ہے۔
حکومتی فیصلہ مورخہ 17/10/2025 کے نکتہ نمبر 6 اور 7 کی جانب توجہ مبذول کرائی جاتی ہے، جس کے مطابق یہ اسکالرشپ امتحان تمام مقامی خود اختیاری اداروں کے اسکولوں کے لیے لازمی قرار دیا گیا ہے۔ اس امتحان کی بنیاد پر سرکاری اسکولوں کے اساتذہ کی کارکردگی کا جائزہ لیا جائے گا اور اس کا اندراج اساتذہ کی سروس بک / خفیہ رپورٹ میں کیا جائے گا۔ حکومتی پالیسی کے مطابق اپنے ماتحت ضلع پریشد / میونسپل اسکولوں کے 100% طلبہ کی شرکت کو یقینی بنانے کے لیے ضروری تحریری ہدایات جاری کی جائیں تاکہ حکومتی فیصلے پر مؤثر عمل درآمد ممکن ہو سکے۔
1۔ ایجوکیشن آفیسر، برہن ممبئی میونسپل کارپوریشن۔
2۔ ایجوکیشن آفیسر (پرائمری / سیکنڈری)، ضلع پریشد، تمام۔
3۔ ایجوکیشن انسپکٹر، برہن ممبئی (مغربی، جنوبی، شمالی)۔
4۔ چیف ایگزیکٹو آفیسر، ضلع پریشد، تمام۔
5۔ معزز وزیر، محکمہ اسکولی تعلیم کے نجی سیکریٹری۔
6۔ معزز پرنسپل سیکریٹری، محکمہ اسکولی تعلیم و کھیل، منترالیہ، ممبئی۔
Post a Comment
Post your comments here..